Pōtitanga 2009
 Kua takoto ngā ingoa o ngā kaitono tūnga mō ngā pōtitanga a te Poari Māori o Tūhoe-Waikaremoana.
RuatĀhuna
Kua wikitoria katoa ngā kaitono mō tenei rohe, heoi anō tā te Kāwana Tianara he whakamana. Ko te tokowhā nei ko Rongonui Tahi, ko Riki Timoti, Pou Tēmara, me Te Toka Tēmara. Mo ētahi atu rohe, he nui ake ngā kaitono i ngā tūnga, ā ma te pōti hei tohu.
RuĀtoki Division
Tokoiwa ngā kaitono mō ngā tūnga e whā - Clifford Waaka, Korotau Tait, Hana Harawira, Hiria Hape, Joshua Kalan, Awhina Rangiaho, Paki Nikora, Kapi Tupe, Tamaroa Nikora.
MaungapŌhatu/Waimana Division
Tokoiwa anō ngā kaitono, e whā noa iho ngā tūnga - Max Tēmara, Minnie Tamaki, Clifford Akuhata, Martin Rakuraku, Rangiora Rakuraku, Marie Stewart, Tūnuiārangi McLean, Richard Tumarae, Monty Kora.
Waikaremoana
E toru nga tūnga, tokoono ngā kaitono - Tikirau Stevens, Jennifer Takuta-Moses, Arin Mataamua, Neuton Lambert, Kararaina Rangihau, Lance Winitana.
ki runga
Te huarahi pōti
Ka tū he pōti-a-pōhi. Ko te Āpiha Whakahoki a Hulton Patchell kua tohungia e te Minita Take Māori hei kaiārahi i ngā pōti. Ko ngā pepa pōti ka puta a te 22 o Pīpiri. E ono wiki māu hei pōti me te pōhi i ō pepa. Me tae ngā pepa i mua o te 31 Hōngongoi 2009.
ki runga
Kei te iwi te mana
Mai te tīmatanga o te Poari, koi nei anake te pōtitanga tuarua. Na te rahi o ngā kaitono kua kitea te aro mai a te iwi ki te Poari, ki ngā take a Tūhoe. Nā reira kia kaha mai tatou ki te tautoko i tenei kaupapa mīharo.
ki runga
Kua tirohia e ngā kaumātua te rēhita
 I te tari o te Poari, ka tirohia e ngā kaumātua ngā whakapapa o ngā kairēhita ki te iwi. E mihi ana te Poari mo a rātou tautoko. I tū he pō whakakitenga o te whakāri mo Kohine Ponika a Ka Haku Au me te rahi hoki o a tātou kaumatua i mōhio ki aia, i haka hoki i tōna taha. Muramura āna ngā karu o Te Uru McGarvey i tana kitenga tuatahi i tōna tū ki mua o Kuini Irihāpeti i te tau 1970. Na te huapai o tēra pō, kua tae te īnoi ki te Poari kia tū ano ēnei momo kaupapa mīharo. Kia mau tonu mai.
ki runga
He pākihi hōu kei Ruātoki
Kua hokona e te Poari he pāmu miraka kau kei Opouriao. Kei te taha tonu i tetahi atu pāmu, na te Poari ano, ko Hatupere, he pāmu whakamahia ai hei tauira. Na ngā kaitohutohu a te Poari te whakāro mo te hoko, inā ka āhei te hono i ngā hēte miraka kau e toru, me te whakahōu anō i ngā taputapu e taea ai te miraka kia 2000 ngā kau. Mā tēnei pākihi ka hiki ngā putanga whai rawa, me te taha ohaoha mo Ruātoki, ka whakamahia anō hoki ngā whenua rīīhi Māori. He mea nui tēnei mō Tūhoe na te mea ko ēnei etahi o ngā whenua i raupatuhia. Kāti ko ngā whenua mai ngā hiwi i te kuhunga ki te whārua o Ruātoki, atu ki te awa o Whakatāne kei raro i te mana o te Poari, ā na ōna putea tonu i hoko.
ki runga
Tūhoe haka
 Kua tīmata te whakātu a Whakāta Māori i te Hui Ahurei ā Tūhoe;
22/06/09 Ngāti Haka Patuheuheu
23/06/09 Te Kapa Haka o Tāwera
24/06/09 Koeau
25/06/09 Taiarahia
26/06/09 Te Tira Hou
29/06/09 Ruatāhuna kākahu māuku
30/06/09 Waikaremoana whanaungakore
01/07/09 Tūhoe ki Heretaunga
02/07/09 Waimana Kaaku
03/07/09 Tūhoe ki Taranaki
06/07/09 Te Hono a te Kiore
07/07/09 Tūhoe ki Poneke
08/07/09 Tūhoe ki Kawerau
09/07/09 Ohinemataroa ki Ruatāhuna
10/07/09 Te Tahu o Haokitaha
ki runga
Ngā tono karahipi, pūtea whai mātauranga 2009
Ko ngā tono mo te karahipi ā Te Rangihau, me te pūtea whai mātauranga, ka kati a te 30 o Pīpiri 2009. Ko ngā pepa tono kei runga ipurangi www.tuhoe.iwi.nz.
ki runga
|
